टैक्स
हमैरि दाप पार्टी क बेलि ब्याल पाराइजर में ढुल डांसी ढुंग में एक मीटिग भै . जो मीटिंग में हमार पहाड़ में लागणी वाल जी एस टी पर चर्चा भै . जमें मेर द्वारा भोंकर बजै बेर अधरात में जी एस टी लागू करी गो . मेर भोंकरकि आवाज सुणबेर पाल गध्याराक द्वि मुनि कटी छौल आपुण जाग छोडबेर भाजि पडीं .
जी एस टी कि दर निम्न प्रकार धरी गे -
१-अत्तर गांज टैक्स फ्री रौल . भरी बीडि पर ५% टैक्स होल भांगाक गुद (साग में डालणी )पर २८% जी एस टी होल .
२- जमाई क खाज टैक्स फ्री रौल और भुटी सिरौल च्यूड उमि पर १८% टैक्स होल .
३- चीन डालि चहा टैक्स फ्री रौल . कटकि चहा पर २८% टैक्स होल .
४- जो शराब ठ्याक बटी खरीदला वी पर ५% टैक्स होल . उत्तराखंड सरकार क महत्वाकाक्षी घर घर शराब पहुचाओ योजना क मोबाईल वैन पर शराब टैक्स फ्री रौल .
५- सौरास में जंवाई कें लागणी पिठ्या पर २८% जी एस टी होल .. जो कि आपुणी स्यैणि कैं दिण पडौल . मैत बटी चेलिन कैं लागणी पिठ्या पर क्वे टैक्स नि लागल .
६- बिरती बामण लोगन कैं आब २८% जी एस टी दक्षिणा पर दिण पडौल . बैकर चाओ पिस्यूं और के फल वगैरह जो जजमानाक यां बटी मिलाल उ टैक्स फ्री रौल .
७- पहाड बटी देश सामान सारण पर १८% जी एस टी होल . यमैं बाटपन खाणा लिजी धरी रोट परौट शामिल नि हौ .. उ टैक्स फ्री ह्वाल .
८- पहाड बटी भाबर जाण सस्त होल और भाबर बटी पहाड़ वापस उणी वाल २८% टैक्स द्याल .
९- दुकानन में चाउमीन मोमोज खाण पर क्वे टैक्स नै .. पर घर में सिगल पुवा . सै . भटिया डुबुक बडूण पर १८% टैक्स लागौल .
१०- सिसूण जो नानतिनन कैं झपकाई जाल वी पर ५% जी एस टी होल .
११- जगरी भगरी पर टैक्स फ्री होल . पर पुछ्यार गणतु अतरणी और मुरगी काटणी मसाण पुजणी ५ % मामूली टैक्साक दायरा में आल .
१२- जो खेतन में साग सब्जी उगाल वी पर २८% जी एस टी दगाड एक गुणी बानर टैक्स ले लागौल जैकि दर बाद में निर्धारित होलि .
१३- खेतन में काम करणी स्यैणी ले टैक्सा क दायरा में आल . पर उनार ताश खेलणी बैगन पर क्वे टैक्स नि लाग .
१४- चुनाव जीतिबेर देखीणी नेता लोगन पर २८% टैक्स लागौल और चुनाव जीतबेर आपुण काल मूख करणी और पेट भरणी नेता टैक्स फ्री रौल .
१५- जो अस्पताल न में डाक्टर देखियाल उनन पर २८% टैक्स लागौल .
जबरदस्ती का निवेदक - विनोद पन्त 'खन्तोली '
जी एस टी कि दर निम्न प्रकार धरी गे -
१-अत्तर गांज टैक्स फ्री रौल . भरी बीडि पर ५% टैक्स होल भांगाक गुद (साग में डालणी )पर २८% जी एस टी होल .
२- जमाई क खाज टैक्स फ्री रौल और भुटी सिरौल च्यूड उमि पर १८% टैक्स होल .
३- चीन डालि चहा टैक्स फ्री रौल . कटकि चहा पर २८% टैक्स होल .
४- जो शराब ठ्याक बटी खरीदला वी पर ५% टैक्स होल . उत्तराखंड सरकार क महत्वाकाक्षी घर घर शराब पहुचाओ योजना क मोबाईल वैन पर शराब टैक्स फ्री रौल .
५- सौरास में जंवाई कें लागणी पिठ्या पर २८% जी एस टी होल .. जो कि आपुणी स्यैणि कैं दिण पडौल . मैत बटी चेलिन कैं लागणी पिठ्या पर क्वे टैक्स नि लागल .
६- बिरती बामण लोगन कैं आब २८% जी एस टी दक्षिणा पर दिण पडौल . बैकर चाओ पिस्यूं और के फल वगैरह जो जजमानाक यां बटी मिलाल उ टैक्स फ्री रौल .
७- पहाड बटी देश सामान सारण पर १८% जी एस टी होल . यमैं बाटपन खाणा लिजी धरी रोट परौट शामिल नि हौ .. उ टैक्स फ्री ह्वाल .
८- पहाड बटी भाबर जाण सस्त होल और भाबर बटी पहाड़ वापस उणी वाल २८% टैक्स द्याल .
९- दुकानन में चाउमीन मोमोज खाण पर क्वे टैक्स नै .. पर घर में सिगल पुवा . सै . भटिया डुबुक बडूण पर १८% टैक्स लागौल .
१०- सिसूण जो नानतिनन कैं झपकाई जाल वी पर ५% जी एस टी होल .
११- जगरी भगरी पर टैक्स फ्री होल . पर पुछ्यार गणतु अतरणी और मुरगी काटणी मसाण पुजणी ५ % मामूली टैक्साक दायरा में आल .
१२- जो खेतन में साग सब्जी उगाल वी पर २८% जी एस टी दगाड एक गुणी बानर टैक्स ले लागौल जैकि दर बाद में निर्धारित होलि .
१३- खेतन में काम करणी स्यैणी ले टैक्सा क दायरा में आल . पर उनार ताश खेलणी बैगन पर क्वे टैक्स नि लाग .
१४- चुनाव जीतिबेर देखीणी नेता लोगन पर २८% टैक्स लागौल और चुनाव जीतबेर आपुण काल मूख करणी और पेट भरणी नेता टैक्स फ्री रौल .
१५- जो अस्पताल न में डाक्टर देखियाल उनन पर २८% टैक्स लागौल .
जबरदस्ती का निवेदक - विनोद पन्त 'खन्तोली '
Comments
Post a Comment