चुनावक बाद
चुनावक -उमाव .
.
दिगौ ... लौडा शिवदत्त कां ग्याय उ दिन ..
बेलि तक खुटन में मुनिटोप दिबेर दण्डवत करणी योग्य शिक्षित जुझारू कर्मठ लोग आज भीपनै नै चै दिणाय .
बेई तक सबन छैं ईजा , बाबू , आमा , बुबू , दीदी , भुली कैबेर मतूणी आज मुखै नै लगूणाय बल .
आहा उ वादा कां गे हुन्याल जो कुणैछी ... बस जितै दिओ .. तुमर गोठक गुबर ले मी निकालि दयूल , तुमर सगड में आग जगूणै तैं छिलुक फाडि दयूल , ह्यूना म्हैण तुमन तैं लाकड क भारि मी आफि लूल , तुमर चेली क ब्या दिन भनपान मी करि द्यूल , तुमन च्याला क ब्या दिन ब्योलि पिटार मी आफि बोकुल , होईन में एक एक बोतल पक्क द्यूल , अरे भुला दिवालि न में जु खेलणा लिजी कर्ज मी आफि द्यूल , तुमार नानतिन टट्टी पिशाब करला सीद्द मेकें धात लहाया .. भेल ध्वेणै ड्यूटि मेरि भै , तुमार खेत बटी बानर हकै दयूल ... सासू क ब्वारि दगाड .. देवरे कि भौजि दगाड , ननदैकि भौजि दगाड , वाल बाखई पाल बाखई दगाड .. कबै ले लडै होली बताया . गाई मैक मी आफि करुल .. दगाड में आपुणि स्यैणि ले लूल .. दिगौ .. लौडा शिबदत्त यास वादा करणी आज कां अलोप भै हुन्याल ..
जैकें मीलि भोट दे वीकि पत्त नहां .. जनन कैं नै देय उ मेर सुदयाव घिगारू क जांठ लिबेर लागि रईन , आब कथके मरूं बज्यूण .
लौडा .. शिबदत्त ... कि आग हालूं .. आज यो भोट क चक्कर में गौं में चार धैडि हैगे . खडक सिंह क सपोटर.. जमन सिंह का सपोटर मैक्यूणई और जमन दा सपोटर गोपुली देबी तैं घाताघात करण लागि रईन , .. चलो ठीकै ले भै यार शिबदत्त .. तनर घात पिचासा चक्कर में कदिनै बाकर खवै हमार ले है जालि ..
अरे गौं में न्यूत पौत टूट गेईन यो चुनावनाक वीलि , कति कति यस ले हैरौ कि जनार बीस साल बटी मुकद्दम बाजी हैरैछी आज उनार यां दगाडै मु्ग कौलींण लागि रौ ..
शिबुवा ... यस बात नि भै कि हमार हात के ले नि लाग यो चुनावन में ... अरे पनर बीसै दिन सही .. चैना चुपाड गुलबिया ड्यौड तो हमार ले भये छन .. हम जो साल भर गुलाब , जाफरान , पिकनिक कैं लूणा दगाड चुसणी बांणीक .. हमैले ले मैकडावल है तलीके हाथ नै लगैय .. नमकीना क नाम पर पांच रुपै पुणी उधार खांणी .. हमन कैं रोज भुट्टू चैछी , .. हमार थाई बटी बची हाड कुंणुक खैबेर हमर लुत्ता कुकुर ले आजकल आपुं छै शेरा कूण भैगो .. और तो और एकाद बखत तो मेकें दाणना लिजी ले ऐगोय ..
आब तो यस हैगो रे लौडा शिबदत्त .. मेर बौज्यू बट्टु निमड .. तेर बौज्यू क भेल चिमड ..
अरे आब तो पधान क उमीदवार बीडि क एक फूक ले नै दिणौय .. बेई म्यारै सामणि रनकारैलि बीडि पीबेर ठुन ले ढूंग में घोसि बेर निमै दे .. ताकि उकें मी नै पि सकूं ..
लौडा .. शिबदत्त .. दिगौ .. आब कब आल यो चुनाव ,, कब स्वेरुल बाकार क अनाड पिताड .. कब कमर हालबेर लिजूल मैकडावल ... सिबौ .. आब घोडी रम ले प्राप्त नहां ..
लौडा .. शिबदत्त .. ला एक फंक सुरती घोस ..
मन पत्यूण भोय .. गौं क बिकासक सवाल भोय .. उसके ले निरास हैबेर कि हूं .... उ नार नै सुणै त्वील -
सबका साथ .. सबका बिकास ... हमारे तो ताड अगास .....
#विनोदपन्त #खन्तोली
.
दिगौ ... लौडा शिवदत्त कां ग्याय उ दिन ..
बेलि तक खुटन में मुनिटोप दिबेर दण्डवत करणी योग्य शिक्षित जुझारू कर्मठ लोग आज भीपनै नै चै दिणाय .
बेई तक सबन छैं ईजा , बाबू , आमा , बुबू , दीदी , भुली कैबेर मतूणी आज मुखै नै लगूणाय बल .
आहा उ वादा कां गे हुन्याल जो कुणैछी ... बस जितै दिओ .. तुमर गोठक गुबर ले मी निकालि दयूल , तुमर सगड में आग जगूणै तैं छिलुक फाडि दयूल , ह्यूना म्हैण तुमन तैं लाकड क भारि मी आफि लूल , तुमर चेली क ब्या दिन भनपान मी करि द्यूल , तुमन च्याला क ब्या दिन ब्योलि पिटार मी आफि बोकुल , होईन में एक एक बोतल पक्क द्यूल , अरे भुला दिवालि न में जु खेलणा लिजी कर्ज मी आफि द्यूल , तुमार नानतिन टट्टी पिशाब करला सीद्द मेकें धात लहाया .. भेल ध्वेणै ड्यूटि मेरि भै , तुमार खेत बटी बानर हकै दयूल ... सासू क ब्वारि दगाड .. देवरे कि भौजि दगाड , ननदैकि भौजि दगाड , वाल बाखई पाल बाखई दगाड .. कबै ले लडै होली बताया . गाई मैक मी आफि करुल .. दगाड में आपुणि स्यैणि ले लूल .. दिगौ .. लौडा शिबदत्त यास वादा करणी आज कां अलोप भै हुन्याल ..
जैकें मीलि भोट दे वीकि पत्त नहां .. जनन कैं नै देय उ मेर सुदयाव घिगारू क जांठ लिबेर लागि रईन , आब कथके मरूं बज्यूण .
लौडा .. शिबदत्त ... कि आग हालूं .. आज यो भोट क चक्कर में गौं में चार धैडि हैगे . खडक सिंह क सपोटर.. जमन सिंह का सपोटर मैक्यूणई और जमन दा सपोटर गोपुली देबी तैं घाताघात करण लागि रईन , .. चलो ठीकै ले भै यार शिबदत्त .. तनर घात पिचासा चक्कर में कदिनै बाकर खवै हमार ले है जालि ..
अरे गौं में न्यूत पौत टूट गेईन यो चुनावनाक वीलि , कति कति यस ले हैरौ कि जनार बीस साल बटी मुकद्दम बाजी हैरैछी आज उनार यां दगाडै मु्ग कौलींण लागि रौ ..
शिबुवा ... यस बात नि भै कि हमार हात के ले नि लाग यो चुनावन में ... अरे पनर बीसै दिन सही .. चैना चुपाड गुलबिया ड्यौड तो हमार ले भये छन .. हम जो साल भर गुलाब , जाफरान , पिकनिक कैं लूणा दगाड चुसणी बांणीक .. हमैले ले मैकडावल है तलीके हाथ नै लगैय .. नमकीना क नाम पर पांच रुपै पुणी उधार खांणी .. हमन कैं रोज भुट्टू चैछी , .. हमार थाई बटी बची हाड कुंणुक खैबेर हमर लुत्ता कुकुर ले आजकल आपुं छै शेरा कूण भैगो .. और तो और एकाद बखत तो मेकें दाणना लिजी ले ऐगोय ..
आब तो यस हैगो रे लौडा शिबदत्त .. मेर बौज्यू बट्टु निमड .. तेर बौज्यू क भेल चिमड ..
अरे आब तो पधान क उमीदवार बीडि क एक फूक ले नै दिणौय .. बेई म्यारै सामणि रनकारैलि बीडि पीबेर ठुन ले ढूंग में घोसि बेर निमै दे .. ताकि उकें मी नै पि सकूं ..
लौडा .. शिबदत्त .. दिगौ .. आब कब आल यो चुनाव ,, कब स्वेरुल बाकार क अनाड पिताड .. कब कमर हालबेर लिजूल मैकडावल ... सिबौ .. आब घोडी रम ले प्राप्त नहां ..
लौडा .. शिबदत्त .. ला एक फंक सुरती घोस ..
मन पत्यूण भोय .. गौं क बिकासक सवाल भोय .. उसके ले निरास हैबेर कि हूं .... उ नार नै सुणै त्वील -
सबका साथ .. सबका बिकास ... हमारे तो ताड अगास .....
#विनोदपन्त #खन्तोली
Comments
Post a Comment