पवन पहाडी शो
थक हारि बेर घर पुज्यू तो घरवाई मोबाइलाक ब्यांवन लागि भै . मैलि झोल लफाय तो स्यैणि कूण बैठि कि लाछा ..
मैलि कौ - के नै . झोल में अखबार वगैरह छन .. और मेरि चसम हसम छ .
स्यैणि कूण लागि - के लिबेर जै उना धें . भल भल जस खांणी पीणी .
मैलि कौ - औफिस बटी उणयूं .. कती कौतिक ज कि जै रछ्यूं जो खाणी पीणी चीज ल्यूनू .. और तू तौ कचर बचर नि खाई कर .
स्यैणि मणमणाट करण भैगे . कस मैंसाक आँचौव लगा हुन्योल बाबुनैलि .. मैंसनाक बैग कती बटी आया तो चीज बस्त लूनन फिर द्विये सैणि बैग छाज लै बैठिबेर खानन . खाते ले रूनन दगाडै खितखिताट ले करनन . उणी जांणी हिटन बटाव मैंसन चरपिराट लगूनन . एक म्योर बैग छ .. मोदी जस जां बटी आ हुन्योल .. न खाऊँगा ना खाने दूंगा ..
मैलि कौ - हकाहाक नि कर हां .. त्वेकैं छोडि ज कि राखौ मैलि .. खांणछी पीणछी .. डकार मारनैछी .. आफत तो म्यार ऐरे .. आदू तनखा त्यार किरीम पौडर में आदू त्यार खांण पींण में खतम हैजां मेरि . मी तो उजड गेयूं .
स्यैणि - म्यार खांण पीण में नै उजड रया .. तुमार पींण खांण में उजड रयां हम . तुमार बराबर तनखा पारमोव लुतियाक पापा कैं ले मिलैं .. उनार ठाट देखो .
मैलि कौ - लुत्तियक बाब् नम्बर द्वियैकि कमाई करौं .
और ज्यादा हकाहाक नि कर और थकान पटान ऐरयूं .. फटाफट चहा बणा ..
पुराण मैंस ठीकै किस्स कूंछी - मस्तारि चां लाद .. स्यैणि चां गाद . आपुणि खाणैकि हैरे .. मेछें चहा तोप ले नै पुछडई ..
स्यैणि - मैं नि बणून्यू .. मैं विजी हैरयूं ..
मैं - हाय .. कस विजी हैरेछै .. तो मोबाइल भीतर मुनि गैंठि राखी .. पछिल देखिये यार तकें .. तौ कती भांजण ज कि रौ ..
स्यैणि - पछिल वछिल के नै .. चहा चैंछौ तो आदु घण्ट बाद मिलौल .. ज्यादा अमल लागि रौछौ तो आफि बणै लिओ . और दूद कम कम डालिया .. पत्ती खमकै बेर झन डालिया . एक डाढ पत्ती डालिबेर गौंतेन झन बणाया चहा कैं . टपुक सिन्दूक में छ . द्वि नान् नान् जस कणिक निकालिया मिसिरिक ..
मैलि कौ - तरीक नि बता चहा बणूणक .. फटाफट बणैबेर ला .
स्यैणि - मैलि कै हालौ आदु घण्ट बाद ..
मैं - अरे यार आदू घण्ट बाद म्यार दुसर चहा क ........ मेर मतलब .. अमल ऐल लागि रौ .. तदुक इम्पोटैन्ट कि बजर पडि रौ मोबाइल में ..
स्यैणि - अरे यार ... उ 'पवन पहाडी ' लाइव उणी वाल छ .. उ देखण छ मैलि ..
मैं - हद्द हैगे यार .. कि छ उ पवन पहाडी ... ओच्छ रनौ लौंड .. दादी .. दादी .. दादी करौ हर बखत .. उके आफि तो के काम धाम नहां .. मैसन कें ले ब्यांवन लगै ल्हिरौ .. हुन खान हुन तो समूह ग कि तैयारि करन . कति नौकरी में लागन .. ब्या करन .. खबर दार उ पवन पहाडी कें देख अगर त्वीलि तो .. भेल सेकण हैरीन उ रनकाराक ...
स्यैणि क दहाड तब तक च्योल ले भाग लगूण बैठ गे .. पापा चुप रहो .. देखने दो .. मम्मी आओ लीड लगाकर सुनते हैं .
मैलि कौ - रनकारा किताब पढ .. तार काटि द्यून लीडाक .. इनध्यानन में पढाई करि काम आल .. तौ पवन पहाडि नि आ पेपरन में ..
स्यैणि - खबर दार .. पवन पहाडी क बार में के कय तो .. देखों धें बिचार हमरि सस्कृतिक प्रचार करनौ .. आब हकाहाक नि करो .. हमन कें लाइव देखण दिओ ..
मैलि कौ - यार .. कसि अणहोति हैरे . यां त्योर मालिक साक्षात ठाड हैरौ .. वीकें लाइव चहा दिणा टैम पर पवन पहाडी देखण में लागि रैछी ..
बस तदुक सुणते ही स्यैणि क खुटै भिपन नि राय ..
कूण लागि - आब ज्यादे गलतफैमी में झन रया .. सुप्रीम कोट क आदेश पत्त लागो कि नि लाग .. या शुद्ध पहाडि में समझूं . आब के नि रै गेया मालिक हालिक .. एल गलती करि हाली दुबारा नि हुण चैनि .. नतर कोर्ट क आदेश कि अवहेलना पर बेलॅणैलि मालिक कैं भली कैबेर मार मार बेर लीक करि द्यूल .. बड आईन मालिक ...
मैलि मनै मन सोचो - हे भगवान ! यां तो पैलि बटी मेरि पति कम पदित ज्यादे वालि हालत छी .. पडि में द्वि लात कानूनैलि ले मारि हाली ...
मैलि आपु छैं आफि सिबौ कौय ... और चहा बणूणा लिजी सगड में आग फूकण बैठ गेयू ...
विनोद पन्त 'खन्तोली '
मैलि कौ - के नै . झोल में अखबार वगैरह छन .. और मेरि चसम हसम छ .
स्यैणि कूण लागि - के लिबेर जै उना धें . भल भल जस खांणी पीणी .
मैलि कौ - औफिस बटी उणयूं .. कती कौतिक ज कि जै रछ्यूं जो खाणी पीणी चीज ल्यूनू .. और तू तौ कचर बचर नि खाई कर .
स्यैणि मणमणाट करण भैगे . कस मैंसाक आँचौव लगा हुन्योल बाबुनैलि .. मैंसनाक बैग कती बटी आया तो चीज बस्त लूनन फिर द्विये सैणि बैग छाज लै बैठिबेर खानन . खाते ले रूनन दगाडै खितखिताट ले करनन . उणी जांणी हिटन बटाव मैंसन चरपिराट लगूनन . एक म्योर बैग छ .. मोदी जस जां बटी आ हुन्योल .. न खाऊँगा ना खाने दूंगा ..
मैलि कौ - हकाहाक नि कर हां .. त्वेकैं छोडि ज कि राखौ मैलि .. खांणछी पीणछी .. डकार मारनैछी .. आफत तो म्यार ऐरे .. आदू तनखा त्यार किरीम पौडर में आदू त्यार खांण पींण में खतम हैजां मेरि . मी तो उजड गेयूं .
स्यैणि - म्यार खांण पीण में नै उजड रया .. तुमार पींण खांण में उजड रयां हम . तुमार बराबर तनखा पारमोव लुतियाक पापा कैं ले मिलैं .. उनार ठाट देखो .
मैलि कौ - लुत्तियक बाब् नम्बर द्वियैकि कमाई करौं .
और ज्यादा हकाहाक नि कर और थकान पटान ऐरयूं .. फटाफट चहा बणा ..
पुराण मैंस ठीकै किस्स कूंछी - मस्तारि चां लाद .. स्यैणि चां गाद . आपुणि खाणैकि हैरे .. मेछें चहा तोप ले नै पुछडई ..
स्यैणि - मैं नि बणून्यू .. मैं विजी हैरयूं ..
मैं - हाय .. कस विजी हैरेछै .. तो मोबाइल भीतर मुनि गैंठि राखी .. पछिल देखिये यार तकें .. तौ कती भांजण ज कि रौ ..
स्यैणि - पछिल वछिल के नै .. चहा चैंछौ तो आदु घण्ट बाद मिलौल .. ज्यादा अमल लागि रौछौ तो आफि बणै लिओ . और दूद कम कम डालिया .. पत्ती खमकै बेर झन डालिया . एक डाढ पत्ती डालिबेर गौंतेन झन बणाया चहा कैं . टपुक सिन्दूक में छ . द्वि नान् नान् जस कणिक निकालिया मिसिरिक ..
मैलि कौ - तरीक नि बता चहा बणूणक .. फटाफट बणैबेर ला .
स्यैणि - मैलि कै हालौ आदु घण्ट बाद ..
मैं - अरे यार आदू घण्ट बाद म्यार दुसर चहा क ........ मेर मतलब .. अमल ऐल लागि रौ .. तदुक इम्पोटैन्ट कि बजर पडि रौ मोबाइल में ..
स्यैणि - अरे यार ... उ 'पवन पहाडी ' लाइव उणी वाल छ .. उ देखण छ मैलि ..
मैं - हद्द हैगे यार .. कि छ उ पवन पहाडी ... ओच्छ रनौ लौंड .. दादी .. दादी .. दादी करौ हर बखत .. उके आफि तो के काम धाम नहां .. मैसन कें ले ब्यांवन लगै ल्हिरौ .. हुन खान हुन तो समूह ग कि तैयारि करन . कति नौकरी में लागन .. ब्या करन .. खबर दार उ पवन पहाडी कें देख अगर त्वीलि तो .. भेल सेकण हैरीन उ रनकाराक ...
स्यैणि क दहाड तब तक च्योल ले भाग लगूण बैठ गे .. पापा चुप रहो .. देखने दो .. मम्मी आओ लीड लगाकर सुनते हैं .
मैलि कौ - रनकारा किताब पढ .. तार काटि द्यून लीडाक .. इनध्यानन में पढाई करि काम आल .. तौ पवन पहाडि नि आ पेपरन में ..
स्यैणि - खबर दार .. पवन पहाडी क बार में के कय तो .. देखों धें बिचार हमरि सस्कृतिक प्रचार करनौ .. आब हकाहाक नि करो .. हमन कें लाइव देखण दिओ ..
मैलि कौ - यार .. कसि अणहोति हैरे . यां त्योर मालिक साक्षात ठाड हैरौ .. वीकें लाइव चहा दिणा टैम पर पवन पहाडी देखण में लागि रैछी ..
बस तदुक सुणते ही स्यैणि क खुटै भिपन नि राय ..
कूण लागि - आब ज्यादे गलतफैमी में झन रया .. सुप्रीम कोट क आदेश पत्त लागो कि नि लाग .. या शुद्ध पहाडि में समझूं . आब के नि रै गेया मालिक हालिक .. एल गलती करि हाली दुबारा नि हुण चैनि .. नतर कोर्ट क आदेश कि अवहेलना पर बेलॅणैलि मालिक कैं भली कैबेर मार मार बेर लीक करि द्यूल .. बड आईन मालिक ...
मैलि मनै मन सोचो - हे भगवान ! यां तो पैलि बटी मेरि पति कम पदित ज्यादे वालि हालत छी .. पडि में द्वि लात कानूनैलि ले मारि हाली ...
मैलि आपु छैं आफि सिबौ कौय ... और चहा बणूणा लिजी सगड में आग फूकण बैठ गेयू ...
विनोद पन्त 'खन्तोली '
Comments
Post a Comment