नारद भेंट
कुमाउनी मासिक पत्रिका पहरू मे प्रकाशित ब्यंग - नारद भेंट -
रत्ति ब्याण झुकमुक्कै पेट में गुड़गुड़ाट जस चितूण लाग्यू
तो मैल टीना क डाब में जरा मनतात जस पाणि
भरिबेर कान में जन्यो लपेटिबेर गध्यार उज्याण
जाणौक बिचार कर . पर जसै बाट लाग्यू तो पेट
भितर छां फानणैकि जैसि आवाज उण भैगै . मैल सोचि
गध्यार जाण तक तो मेर पेट बटी छ्वा फुटि जाल ..
लिहाजा मैल सोच कि फटाफट पार बाखैई हरकु दड़ा
क बाड़ै में बैठ जां . ऐल को देखड़ौ . जसै ग्वैटून बाट
लाग्यू तो एक बुड़ हाथ में घिघारू जांठ लिबेर मैलिकै
उण लागि भै . म्यार हाथ खुट अरड़ी गे . कल्जून लै
ह्यांक्क जस हैगै .. मैल सोची कि इज कूंछी रत्तै
ब्याणाक टैम पर ग्वैटून लै छौव ले देखी कैबेर . मैल कौ
आज तो सरसूंत्तै देखि गो .. मेरि पेटैकि गुड़गुड़ जां
हराणि हुनेलि .. गौव सुकि गे .अलबलाट में हाथ बटी
डाबक पाणि क द्वि घुटुक मारणै तै बटी रछ्यू .. तब तक
उ बुड़ैलि आवाज दी .. को छै नाती तु और कां
जाड़ौंछै यो अन्यार पट्ट .. मैल परसुदियां जस उल्ट बुड़
छैं पुछ दी .. तुम को छा ?
बुड़ कूण लाग मी नारद छ्यू .. स्वर्ग लोक बटी बिहार
चुनाव क कवरेज करणा लिजी ऐ रछ्यू पर यां ऐबेर पत्त
लागौ बिहार चुनाव बिहार में कम और बिहार है भ्यैर
ज्यादा लड़ी जाणौ .. तैक वील देसाक अलग अलग
जागनक सर्वे करबेर कुछ फरजी आंकड़े जाम करण लागि
रयू ... बिष्णु भगवान कूण लागि रैछी जो भगत बाकि
बाकि जस भेट चढाल चैलन में वीकै पक्ष में आंकड़ा देखै
द्यूल .
मैल कौ तुम अगर नारद छा तो तुमार हाथ में उ गोल
गोल सुकाई लौकी टुकुड़क जांठ लै तार जस बादि
क्याप हुछीं ..और दुसार हाथ में उ खुंड़मुड़ी जस बजूनै
रुछियां कां छ उ .. और तुम फसक कम करछिया
नारायण नारायण बाकि करछिया आज तुमार खाप
बटी दुसारै बोल बच्चन हैरीन ..
अरे नाती उ सुकाई लौकीक जस गोल गोल छैं .
बीणा और खुड़मुणी जस छैं खड़ताल कूनी ..
यार जब बटी धरतीलोक में हनी सिंह जास संगीतकार
हैगेई मैल तौ सगीताक वाद्य यन्त्र क्वाड़ झुकै हाली
.. और नारायण नारायण कूण में सेकुलर लोगन कैं
आपत्ति छ बल . एक बार एक इन्टरब्यू दिण बखत खाप
बटी नारायण निकल पड़ौ .. बाबाहो तीन दिन तक
तुमार न्यूज चैनलनल कैं सफाई देते देते पितर याद ऐ पड़ी
. अभक्त लोग कूण लागी यो नारद भारतैकि एकता
और अखंडता पर खतर छ .बयाननौक खंडन करण पड़ौ ..
और यां तो जि बजीन स्वर्ग लोगक भोलतक चैनल में
मेरि नौकरी जाते जाते बचीं . और म्यार बयान क
बिरोध नै करण पर देवराज इन्द्रैकि केैं ले जे ते सुणन
पड़ौ .. बेद ब्यास ज्यू और भ्यास ज्यू जास लेखक लोग
आपुण सम्मान लौटूण बैठ गे .
अच्छा .. तो बड़बाज्यू पैं तौ झांठ किलै पकड़ि भै
ततौण ठुल हाथ में .. मैल पुछ .
नारद ज्यू कूण लाग - यार नाति यो जांठ तो यैक
वील छ कि हड़कि कुकुर भौतै हैग्यान .. जां तां
ख्यादन पड़ि जानी ...
खैर तु कां लागै यो झुकमुक छनै तौ डाब पकड़िबेर ..
मैल कौ औहो तुमार चक्कर मैं गजबजी गेयू .. मैं दिसा
मैदान जाण लागि रयू ..
नारद ज्यू कूण लाग - हाय त्यार घर मैं शौचालय
नहाती ...? .. कस आदिम छै यार तु ... तसिके कसिकै
होल स्वस्छ भारत ..
मैल नारद ज्यू कैं जोरैलि साइड करिबेर ग्वैटन दौड़ लगै
दी .. मैल कौ ऐल तुमार स्वच्छ भारताक चक्कर में द्वि
मिनट ले देर है जालि तो भारत चाहे स्वच्छ हो या नै
हो .. मेरि धोति अस्वच्छ है जाली ..
नारद ज्यू हंसण बैठ गे और मैलिके बाट लागि गे और मैल
हरकू दड़ा बाड़ में फटक मार दी ..
रत्ति ब्याण झुकमुक्कै पेट में गुड़गुड़ाट जस चितूण लाग्यू
तो मैल टीना क डाब में जरा मनतात जस पाणि
भरिबेर कान में जन्यो लपेटिबेर गध्यार उज्याण
जाणौक बिचार कर . पर जसै बाट लाग्यू तो पेट
भितर छां फानणैकि जैसि आवाज उण भैगै . मैल सोचि
गध्यार जाण तक तो मेर पेट बटी छ्वा फुटि जाल ..
लिहाजा मैल सोच कि फटाफट पार बाखैई हरकु दड़ा
क बाड़ै में बैठ जां . ऐल को देखड़ौ . जसै ग्वैटून बाट
लाग्यू तो एक बुड़ हाथ में घिघारू जांठ लिबेर मैलिकै
उण लागि भै . म्यार हाथ खुट अरड़ी गे . कल्जून लै
ह्यांक्क जस हैगै .. मैल सोची कि इज कूंछी रत्तै
ब्याणाक टैम पर ग्वैटून लै छौव ले देखी कैबेर . मैल कौ
आज तो सरसूंत्तै देखि गो .. मेरि पेटैकि गुड़गुड़ जां
हराणि हुनेलि .. गौव सुकि गे .अलबलाट में हाथ बटी
डाबक पाणि क द्वि घुटुक मारणै तै बटी रछ्यू .. तब तक
उ बुड़ैलि आवाज दी .. को छै नाती तु और कां
जाड़ौंछै यो अन्यार पट्ट .. मैल परसुदियां जस उल्ट बुड़
छैं पुछ दी .. तुम को छा ?
बुड़ कूण लाग मी नारद छ्यू .. स्वर्ग लोक बटी बिहार
चुनाव क कवरेज करणा लिजी ऐ रछ्यू पर यां ऐबेर पत्त
लागौ बिहार चुनाव बिहार में कम और बिहार है भ्यैर
ज्यादा लड़ी जाणौ .. तैक वील देसाक अलग अलग
जागनक सर्वे करबेर कुछ फरजी आंकड़े जाम करण लागि
रयू ... बिष्णु भगवान कूण लागि रैछी जो भगत बाकि
बाकि जस भेट चढाल चैलन में वीकै पक्ष में आंकड़ा देखै
द्यूल .
मैल कौ तुम अगर नारद छा तो तुमार हाथ में उ गोल
गोल सुकाई लौकी टुकुड़क जांठ लै तार जस बादि
क्याप हुछीं ..और दुसार हाथ में उ खुंड़मुड़ी जस बजूनै
रुछियां कां छ उ .. और तुम फसक कम करछिया
नारायण नारायण बाकि करछिया आज तुमार खाप
बटी दुसारै बोल बच्चन हैरीन ..
अरे नाती उ सुकाई लौकीक जस गोल गोल छैं .
बीणा और खुड़मुणी जस छैं खड़ताल कूनी ..
यार जब बटी धरतीलोक में हनी सिंह जास संगीतकार
हैगेई मैल तौ सगीताक वाद्य यन्त्र क्वाड़ झुकै हाली
.. और नारायण नारायण कूण में सेकुलर लोगन कैं
आपत्ति छ बल . एक बार एक इन्टरब्यू दिण बखत खाप
बटी नारायण निकल पड़ौ .. बाबाहो तीन दिन तक
तुमार न्यूज चैनलनल कैं सफाई देते देते पितर याद ऐ पड़ी
. अभक्त लोग कूण लागी यो नारद भारतैकि एकता
और अखंडता पर खतर छ .बयाननौक खंडन करण पड़ौ ..
और यां तो जि बजीन स्वर्ग लोगक भोलतक चैनल में
मेरि नौकरी जाते जाते बचीं . और म्यार बयान क
बिरोध नै करण पर देवराज इन्द्रैकि केैं ले जे ते सुणन
पड़ौ .. बेद ब्यास ज्यू और भ्यास ज्यू जास लेखक लोग
आपुण सम्मान लौटूण बैठ गे .
अच्छा .. तो बड़बाज्यू पैं तौ झांठ किलै पकड़ि भै
ततौण ठुल हाथ में .. मैल पुछ .
नारद ज्यू कूण लाग - यार नाति यो जांठ तो यैक
वील छ कि हड़कि कुकुर भौतै हैग्यान .. जां तां
ख्यादन पड़ि जानी ...
खैर तु कां लागै यो झुकमुक छनै तौ डाब पकड़िबेर ..
मैल कौ औहो तुमार चक्कर मैं गजबजी गेयू .. मैं दिसा
मैदान जाण लागि रयू ..
नारद ज्यू कूण लाग - हाय त्यार घर मैं शौचालय
नहाती ...? .. कस आदिम छै यार तु ... तसिके कसिकै
होल स्वस्छ भारत ..
मैल नारद ज्यू कैं जोरैलि साइड करिबेर ग्वैटन दौड़ लगै
दी .. मैल कौ ऐल तुमार स्वच्छ भारताक चक्कर में द्वि
मिनट ले देर है जालि तो भारत चाहे स्वच्छ हो या नै
हो .. मेरि धोति अस्वच्छ है जाली ..
नारद ज्यू हंसण बैठ गे और मैलिके बाट लागि गे और मैल
हरकू दड़ा बाड़ में फटक मार दी ..
Comments
Post a Comment