मेरि सरकार
घरवालिक मूख आज रत्तिब्याण बटी चूखढोई जस हई भै . नांण ध्वैण ले करछै नि कर जि बज्या हुन्योल . के ले पूछणकि कोशिश करी तो कालिनाग कि जै चारि फुंकार मारनेर भै . रिस्याउन काम कम करणैई भानकुन कैं ज्यादे असैटण लागि भै . भीतर पन भानकुननैकि खडम्म भडम्म यसि सुणि रई भै मानो हमर घर अल्माड टमट्यूडा मौहल्ला में हुन्योल .
नानतिन के पुछला तो मैक्यूण लागि भै और मीलि जरा ले भीतरपन के हरकत करि तो बुकूणा लिजी उनेर भै . मतलब भीतरपन क वातावरण कश्मीर कि हालत जस हई भै कां बटी गोलि चलि जालि के अन्ताज नै .
आदू दिन तो जसिके तसिके काट हाल पर दोपहर तक हालत बेकाबू हैगे . मैलि सोच कि कुछ सरकारैकि चारि कूटनीतिक कार्यवाही करि जाओ . नानतिन ले म्यार मुख चाई भाय . बीच बीच में हस्तक्षेप कि मांग करण लागि भाय . मी सरकारै कि चारि लाचार भयूं , मैलि नानतिनन कैं जल्दी समस्या सुलझूणक आश्वासन देय और एक सर्वदलीय बैठक बुलूणकि सोचि .
बीचाक कमर में हम सब लोग बैठ गेया . मेरि घरवालि , मेरि ईज , मेर बाबू , मेर च्योल और चेलि बैठ गे .
बैठककि कार्यवाही शुरू हैगे .
मैलि बाबू कैं बैठककि अध्यक्षता लिजी आमन्त्रित कर पर बाबू कूंण लाग - अरे अध्यक्ष आपुणि ईज कैं बणा . मेरि को सुणौ यो घर में . सब तुम आपुण मना क है गेछा . तेरि ईज लि तो जनम भर नि सुणि मेरि . आब ऐल त्वीलि मेकें अध्यक्ष बणूणा लिजी कौ तो तैक मूख तुमड जस हैगो , आपुण ईज कैं बणा .
तदुक सुणते ही ईज बौई गे . तनैलि हमेशा तसिके टुकार सुणै बेर मेर रूंण मुश्किल करि राखौ , तनार लिजी के नि कर मैलि . इतौण कारबार करौ आपुण टैम पर द्वि द्वि भैंस पालन सार दुन्नि संसारक खेत कमन करन .
बाबू कूंण लाग - त्यार भैंस पालियक मेकें के सन्तोष छी . दूद क छिट ले पाणि हाली दिछी मेकें हमेशा घ्यू बेचि दिछी . कदिनै मेर र्रवाटन लै एक आचमनि बराबर घ्यू नि चुपड हुन्योल .. और तेर खेतन कैं जोतण और खौडन में मैलि ले आपुण हांट भाट तोडन . बडि ऐरै कारबार वालि .
आब ईज बमकि गे - कूंण लागि . होय खवै पीवै बेर नामै धरला दूद ततै बेर तुमने दिछ्यू पैली पैली , कढाई में जो कुटूणि लागि रंछी उ ले तुमने दिछ्यू. और घ्यू इदुक खांछिया कि हडपी ले शरमै जांछी . बिना खिलाई पिलाइयै हैरौछा तदुक बोकी जास . मोटै बेर ब्यान जास हैरौछा . जरा चाओ धें आपु कैं
आब बाबू आग में ले द्याप्त जस उण भैगे . कूण लाग - त्यार आँखन में चूख डालण हैजौ , आपु कद्दू जसि बुडि और मेकें नजर लगूणै , और मी मोटे बेर ब्यान जस हैरयूं या हिल्वाण जस . तेर बाबू हैबेर ज कि खै राखौ .
मेर बाबू ईज कैं मैक्यूण बैठ ग्याय , ईज जोर जोरैलि किकाट पाडन बैठ गे . बीच बीच में जवाबी कार्यवाही करते हुए बाबू कैं भरपूर जवाब ले दिण लागि भै . यस लागण बैठ गे मानो संसदैकि कार्यवाही चलि रै और बस कुरसी लफूणैकि देर छ .
मेर बडि विचित्र स्थिति हेगे . मेर समर्थक द्विये पार्टी आपस में लडन बैठ ग्याय , यो बात मेर सरकार लिजी शुभ संकेत नि भै .
म्यार घर में कोलाहल सुणबेर गौं वाल पास पडौस वाल ऐ गे . हमार पाल भितर रूणी देबुलि काखि घर घर जैबेर आज तक वालनाक चारि ब्रैकिग न्यूज दिण लागि भै . द्वि चार नौजवान जनन कें मेरि असली समस्या पत्तै नि भै उ चौंतार में बैठबेर हमर झगड क डी एन ए करण लागि भाय .
कुछ हमार गौं क लोग बीच में ऐबेर कि हैगो , कि हैगो कैबेर पुछण लाग तो मेकें यस लाग मानो न्यूज चैनल वाल घटना क कवरेज करण लागि रईन बीच में द्वि चार बुजुर्ग हमर कोलाहल वटी दूर हमर क्यारि बाडन में गोबी , मटर और टमाटरनैकि तारीफ करण लागि भै तो यस लाग कि माने सरकारि टी वी वाल कवरेज करण लागि रईन .
एकाद काक् काखी लोग मेर ईज बाबू क बीच बचाव करण छोडि बेर मेछें जानकारी मांगण बैठ गे . ईज बाबू में को जीतल तुमार हिसाबलि , यो झगड किलै उरीणौं , अघिल कै कि लागणौ तनार बीच मारामार ले होली , तुम कैकि तरफ छा . तनार बीच पैली ले हुछिये तस कबै . मतलब यास सवाल पुछण लाग कि मैं सोचण लाग्यूं कि पैलि ईज बाबू न कैं छुडाई जाओ या पैलि यो रनकार कें जोत्याई जाओ . तमाश देखण ऐगेई ,
मैलि यो सब बटी घ्यान हटैबेर आपुण घरवालि कि तरफ देख तो उ मन्द मन्द मुस्कपाण लागि भै . वीलि नानतिन कैं द्वि द्वि टौफी दिबेर मनै हाल . नानतिन टौफी चुसण बैठ गे और उल्ट कै मैकें जै आँख देखूण लागि गे . और उनर तरफ बटी एक सयुक्त बयान जारी हैगे - बाबू यो सब तुमारै चक्कर में हैरौ .
ईज ले आब बाबू दगाड मेर ले छवझाडन करन लागि गे , बाबू ले मेकें गल्यूण बैठ ग्याय . उनर पास जदुक ले सामाजिक दायरा अन्तर्गत उणी वाल गालि छी सबनैकि बौछार मेर पर करि हालि . और बैठक वटी वाकआउट करि हाल .
घरवालि ले बैठक बटी उठिबेर भ्यैर न्हैगे और स्यैणिनाक दहाड म्यार क्वीड करते हुए यस लागणई मानो क्वे नेता सरकार कैं अस्थिर या गिराई बाद प्रैस वार्ता करनी .
मै थक हारि बेर आपुणि सरकार जो कि आब लगभग डुनि हेगे संभालणकि उपाय पर गहन सोच करण लागि गेयूं
नानतिन के पुछला तो मैक्यूण लागि भै और मीलि जरा ले भीतरपन के हरकत करि तो बुकूणा लिजी उनेर भै . मतलब भीतरपन क वातावरण कश्मीर कि हालत जस हई भै कां बटी गोलि चलि जालि के अन्ताज नै .
आदू दिन तो जसिके तसिके काट हाल पर दोपहर तक हालत बेकाबू हैगे . मैलि सोच कि कुछ सरकारैकि चारि कूटनीतिक कार्यवाही करि जाओ . नानतिन ले म्यार मुख चाई भाय . बीच बीच में हस्तक्षेप कि मांग करण लागि भाय . मी सरकारै कि चारि लाचार भयूं , मैलि नानतिनन कैं जल्दी समस्या सुलझूणक आश्वासन देय और एक सर्वदलीय बैठक बुलूणकि सोचि .
बीचाक कमर में हम सब लोग बैठ गेया . मेरि घरवालि , मेरि ईज , मेर बाबू , मेर च्योल और चेलि बैठ गे .
बैठककि कार्यवाही शुरू हैगे .
मैलि बाबू कैं बैठककि अध्यक्षता लिजी आमन्त्रित कर पर बाबू कूंण लाग - अरे अध्यक्ष आपुणि ईज कैं बणा . मेरि को सुणौ यो घर में . सब तुम आपुण मना क है गेछा . तेरि ईज लि तो जनम भर नि सुणि मेरि . आब ऐल त्वीलि मेकें अध्यक्ष बणूणा लिजी कौ तो तैक मूख तुमड जस हैगो , आपुण ईज कैं बणा .
तदुक सुणते ही ईज बौई गे . तनैलि हमेशा तसिके टुकार सुणै बेर मेर रूंण मुश्किल करि राखौ , तनार लिजी के नि कर मैलि . इतौण कारबार करौ आपुण टैम पर द्वि द्वि भैंस पालन सार दुन्नि संसारक खेत कमन करन .
बाबू कूंण लाग - त्यार भैंस पालियक मेकें के सन्तोष छी . दूद क छिट ले पाणि हाली दिछी मेकें हमेशा घ्यू बेचि दिछी . कदिनै मेर र्रवाटन लै एक आचमनि बराबर घ्यू नि चुपड हुन्योल .. और तेर खेतन कैं जोतण और खौडन में मैलि ले आपुण हांट भाट तोडन . बडि ऐरै कारबार वालि .
आब ईज बमकि गे - कूंण लागि . होय खवै पीवै बेर नामै धरला दूद ततै बेर तुमने दिछ्यू पैली पैली , कढाई में जो कुटूणि लागि रंछी उ ले तुमने दिछ्यू. और घ्यू इदुक खांछिया कि हडपी ले शरमै जांछी . बिना खिलाई पिलाइयै हैरौछा तदुक बोकी जास . मोटै बेर ब्यान जास हैरौछा . जरा चाओ धें आपु कैं
आब बाबू आग में ले द्याप्त जस उण भैगे . कूण लाग - त्यार आँखन में चूख डालण हैजौ , आपु कद्दू जसि बुडि और मेकें नजर लगूणै , और मी मोटे बेर ब्यान जस हैरयूं या हिल्वाण जस . तेर बाबू हैबेर ज कि खै राखौ .
मेर बाबू ईज कैं मैक्यूण बैठ ग्याय , ईज जोर जोरैलि किकाट पाडन बैठ गे . बीच बीच में जवाबी कार्यवाही करते हुए बाबू कैं भरपूर जवाब ले दिण लागि भै . यस लागण बैठ गे मानो संसदैकि कार्यवाही चलि रै और बस कुरसी लफूणैकि देर छ .
मेर बडि विचित्र स्थिति हेगे . मेर समर्थक द्विये पार्टी आपस में लडन बैठ ग्याय , यो बात मेर सरकार लिजी शुभ संकेत नि भै .
म्यार घर में कोलाहल सुणबेर गौं वाल पास पडौस वाल ऐ गे . हमार पाल भितर रूणी देबुलि काखि घर घर जैबेर आज तक वालनाक चारि ब्रैकिग न्यूज दिण लागि भै . द्वि चार नौजवान जनन कें मेरि असली समस्या पत्तै नि भै उ चौंतार में बैठबेर हमर झगड क डी एन ए करण लागि भाय .
कुछ हमार गौं क लोग बीच में ऐबेर कि हैगो , कि हैगो कैबेर पुछण लाग तो मेकें यस लाग मानो न्यूज चैनल वाल घटना क कवरेज करण लागि रईन बीच में द्वि चार बुजुर्ग हमर कोलाहल वटी दूर हमर क्यारि बाडन में गोबी , मटर और टमाटरनैकि तारीफ करण लागि भै तो यस लाग कि माने सरकारि टी वी वाल कवरेज करण लागि रईन .
एकाद काक् काखी लोग मेर ईज बाबू क बीच बचाव करण छोडि बेर मेछें जानकारी मांगण बैठ गे . ईज बाबू में को जीतल तुमार हिसाबलि , यो झगड किलै उरीणौं , अघिल कै कि लागणौ तनार बीच मारामार ले होली , तुम कैकि तरफ छा . तनार बीच पैली ले हुछिये तस कबै . मतलब यास सवाल पुछण लाग कि मैं सोचण लाग्यूं कि पैलि ईज बाबू न कैं छुडाई जाओ या पैलि यो रनकार कें जोत्याई जाओ . तमाश देखण ऐगेई ,
मैलि यो सब बटी घ्यान हटैबेर आपुण घरवालि कि तरफ देख तो उ मन्द मन्द मुस्कपाण लागि भै . वीलि नानतिन कैं द्वि द्वि टौफी दिबेर मनै हाल . नानतिन टौफी चुसण बैठ गे और उल्ट कै मैकें जै आँख देखूण लागि गे . और उनर तरफ बटी एक सयुक्त बयान जारी हैगे - बाबू यो सब तुमारै चक्कर में हैरौ .
ईज ले आब बाबू दगाड मेर ले छवझाडन करन लागि गे , बाबू ले मेकें गल्यूण बैठ ग्याय . उनर पास जदुक ले सामाजिक दायरा अन्तर्गत उणी वाल गालि छी सबनैकि बौछार मेर पर करि हालि . और बैठक वटी वाकआउट करि हाल .
घरवालि ले बैठक बटी उठिबेर भ्यैर न्हैगे और स्यैणिनाक दहाड म्यार क्वीड करते हुए यस लागणई मानो क्वे नेता सरकार कैं अस्थिर या गिराई बाद प्रैस वार्ता करनी .
मै थक हारि बेर आपुणि सरकार जो कि आब लगभग डुनि हेगे संभालणकि उपाय पर गहन सोच करण लागि गेयूं
Sir m apko isi january se padh rha hu or shayad apki koi rachna miss nhi ki h 😍
ReplyDelete