घुघुति त्यार

जब हम नानतिन छियां तब घुघुतियक बड उत्साह हुनेर भै . दिन भरि दगडू नाक दगाड योजना बणनेर भै कि मैं इक्यावन घुघुतनैकि माल बणून मैं एक सौ एक दांणनैकि माल् बणूल . दिन में बटी नारींगक दांण तोडिबेर धरी जानेर भै . स्यूड धाग आफि तैयार करि लिनेर भयां .
रात में ईज जब घुघूत बणालि तो हम ले चूलपन टांजि जानेर भयां .. ईज कदुक कौलि कि उथकै बैठ जा .. तेलक छिट पडाल .. जाग कम हैरै .. पर हम किलै सुणुल . फिर हम भै बैणीयन में कम्पटीशन हुनेर भै .. मेरि माल नानि हैगे .. तैकि  माल् में ज्यादे छन .. मेर नारींग नान् हैगो .. तौ दिदीक वालि माल् मेरि भै . रत्ति ब्याण फटाफट उठि बेर उदुक काले काले मुखलि नि करनेर भयां जदुक काले -काले घुघुत खांणा लिजी हुनेर भै . एक दूसराक माल् बटी घुघुत लूछण .. चोरण .. या दीन हीन कातर बणबेर मांगण .. एक मेकें दि दे .. फिर मैं ले दयूल .. या आपुण वाल खा .. माल डालिबेर पडौस पन घुमण .. एक अलगै रौनक है रूनेर भै .
बीच बीच में ईज कूनेर ले भै .. सब अल्लै झन खाये .. पेट में पीड होलि .पर हम कां सुणनेर भयां
एक साल कि बात भै . ईज घुघुत पकूण लागि भै . आब हमार खाप में पाणि उण लागि भै .
ईज छैं घुघुत मांग खांणा लिजी तो ईजलि बताय कि - ऐल नि खान् . भोल रत्ति ब्यांण कौव बुलैबेर खालै . एक इनन कैं बिटावन नहांतिन .
मैलि कौय कि एक दिदे .. आदु दि दे .. पर ईजैलि परम्परा कि दुहाई देते हुए घुघुत नि दी .
आब म्यार ईज क दगाड मनूणा क लिजी मचमचाट लागि गे . ईज भीतर गे तो मैं भीतर . ईज भ्यैर गे तो मैं वीकै पछिल भ्यैर .. मैलि आपुण घनघनाट लगाई भै .
ईजैलि घुघुत बणैबेर माल तैयार करिबेर एक परात में धरि दी . मैलि बटी कौव कैं दिणी वालि पुरि घुघुत चिपकाई वालि धरि दी . ताकि रत्ति ब्याण निकालण में आसानी होलि . .मैलि अन्तिम कोशिस करते हुए डाड मारते हुए ईज छैं घुघुत मांग . आब ईजकै दिल भै पिघल गे . वीलि द्वि घुघुत मेर हाथ में च्याप दि - ले रनकारा .. कोची ..
आब घुघुत खैबेर बाकि जै टपटपाट लागि गे . मैलि एक आजि मांगण लगाय लेकिन दोबारा घुघुताक जाग में गाल में ईजैकि फचैक पडि गे .आब में आँखन में आँस लिबेर सिति गेयूं ..
पर के करछा घुघुतक सवाद जिबाड में कुलबुलाट मचूण बैठ गे .. आब मैलि तय कर कि घुघुत चोरिबेर खाई जाओ .
आब में भ्यैर पिसाब जांणाक न्यैरैलि उठ्यूं .. तब आजकल चारी बिजली नि भै . टौर्च ले बाबूक सिरान भै . कसिके निकालूं .. मैं अन्यारै बाट लाग्यूं . आब में हतपलास लगै बेर रसोई तक पुजि गेयूं . मैलि परात में जबैं घुघुत धरि भै हाथ मार और द्वि चार घुघुत हाथ में और एकाद खाप डालि दी . आब वापस मुडयूं तो पत्त नै कसिके भान कुनन में खुट अल्जींण मैं धडम्म कैबेर उतांण है गेयूं . उत्ती बगसक मलि में छां धरि भै एक भान् में उ म्यार ख्वारन टोटिल हैगे . जाडनाक दिन मैं ख्वार बटी खुटन तक मैं नवाई गेयूं .. खटम भटम सुणिबेर ईज बौज्यू रिस्याउन ऐ गे .. म्यार डरैलि तरास हैगे . बाबू मैक्यूण बैठ गे ..
लैम्फू जगैबेर मेरि हालत देखण लाग तो हद्द यस हैई भै कि मैलि अलबलाट में  परातक मांथि बटी धरि कौवेकि पुरि घुधत आदू खै हालि .. आदू म्यार हाथ में भै .. हाथाक घुघुत भीपन छुटि भै ....
विनोद पन्त 'खन्तोली '

Comments

Post a Comment

Popular posts from this blog

टमाटर प्याज

सब्जी खरीदने बाजार गया . बल्कि यूं कहिये भेजा गया . दरअसल मैं पत्नी को शाम की सब्जी के लिए सौ रुपये दिया करता था . पत्नी के लाख समझाने पर भी ये मानने को तैयार नहीं था कि आजकल सौ रुपये में सब्जी नहीं आती . खैर श्रीमती जी ने मेरे हाथ में बहत्तर रुपये दिये और सब्जी की लिस्ट पकडाते हुए कहा - जाओ सौ रुपये की सब्जी ले आओ . मैं अखबार तो पढता ही हूं तो ये समझ चुका था कि सौ रुपये में जी एस टी कट चुका है . बाजार गया तो देखा टमाटर को सब्जी के दुकानदारों ने अपने गल्ले के बिलकुल पास रखा था  आम आदमी के पहुंच से दूर . मैने सब्जी वाले से विरोध किया - भाई ये टमाटर इतनी दूर क्यों रखे हैं ? सब्जीवाला दार्शनिक अन्दाज में बोला - हे फटीचर मेरा मतलब कविवर टमाटर का दूर रखा जाना इस बात का द्योतक है कि टमाटर आम आदमी की पहुंच से दूर जा चुका है . हर चीज के दिन फिरते हैं . जिन टमाटरों को तुम लोग पिलपिलाकर चैक किया करते थे वो आज तुम्हें और तुमारी जेब को चैक कर रहे हैं . तुम्हें और तुम्हारी औकात को पिलपिला रहे हैं . तुमने टमाटर को कभी गौर से देखा है ? उसके सिर पर ताज सजा होता है . वो एक प्रकार से सब्जियों का...
Read more

पहाडि होटल

अगर पहाडन में नियम लागू हुन कि सब होटलनाक नाम पहाडि में धरण पडाल तो .. कुछ प्रमुख होटलनाक नाम यास प्रकाराक हुन - १- होटल गार्डन - होटल झुतांणि २- होटल रिवेरा - होटल गध्यार . ३- होटल माउन्टेन - होटल डान् कान् ४- होटल लेक साइड - होटल चुपटौव उज्याणि ५- हिमालय व्यू होटल - हिमालय उज्याणि होटल ६- होटल गोल्डन - होटल सुन् ७- होटल पैराडाईज - होटल सरग ८- होटल महारानी - होटल गुस्याणी ९- क्लासिक होटल - भौते भल होटल १०- होटल मूनलाईट - होटल जुन्यालि रात ११- होटल पाइन - साल् होटल १२- होटल न्यू लाइट - छिलुक होटल १३- होटल सिटी हार्ट - होटल कल्ज १४- पैराडाइज होटल - बपौत्ति होटल १५- होटल राम ,, कृष्ण ,, शंकर वगैरह - गोल्ज्यू होटल .. नरसिंह होटल ..
Read more

अपुड्याट

गोपाल सिंह - ओ पन्थ्याण ज्यू ... ओ पन्थ्याण ज्यू ... आम् - हो ओ ओ ओ .... गोपाल सिंह - ओ पन्थ्याण ज्यू पैलाग .. आम-आशीर्वाद .कांक छा ..?? गोपाल सिंह- पार दबक गौं क छ्यू .. गोपाल सिंह .. आम् कि- कूंछिया ..कां जाणी छिया के नै हो पन्थ्याणि ज्यू . इथैके कति कुमिना क सुद्याव लागि रौछ्यू .. कैलि कौ तुमार यां छ कैबेर . तबै आयूं . ह्वलै तुमार यां कुमिन .. नानू ले देला जब हैजाल . आम- होय क्यैने .. छ .. क्यै कि चैन पडौ तुमन कुमिन . कति पुज छ कि ? गोपाल सिंह- नै पन्थ्याण ज्यू बौज्यू बीमार हैरान . के नै पचणौय . कैलि कौ कुमिन न साग दिओ कैबेर . तबै चैन हैरौ . छ जबत दि हालौ . आम- होय होय क्यै नै छ . अल्लै दयू हां . गोपाल सिंह - होय पन्थ्याण ज्यू भल हैजौ तुमर . कतु छन नानतिन . आम- तीन छन गोपाल सिंग (अं ) .. एक च्योल द्वि चेल्ली . गोपाल सिंह- कां छ तुमर छ्यौड .. कि कनौं ..? आम- दिल्ली पन छ . गोपाल सिह- कि कनान तुमार छ्यौड. दिल्ली में . भली नौकरी में हुन्याल हाय . आम- बस पेट पावण रौ गोपाल सिंग ज्यू आपुण . जि करनन्योल . आपुणै ले पेट पाव हाललौ मस्तु भोय . गोपाल सिंह - हेय ! आम - तीन म्है...
Read more