खिसक पन्त और मैं
मैच देखण गेयू कूंछा महाराज . भारत जीतण लागि भोय . खिलाडि चौक्क छक्क मारनाय . सब ताई बजूणाय .. पर एक किनार ले अन्यार मूख करिबेर खिसक पन्त आपुण बरमान लै हाथ मारण में लागि भै . सुदै ध्वेई मुस जस शकल हई भै .
मीलि नजदीक जैबेर कौय - कौ रे खिसक ... क्यै करनौछै बदबौयेट .. तुमरि टीम तो जीतणै ..
खिसक पन्त - ( बिना पछिल कै चाइयै ) कौ छै रे ..
मैं - क्यै रे पगली गोछै रनकारा .. मी छ्यू .. विनोद पन्त .. नै पछयाणनये .
खिसक पन्त - अरे .. काकज्यू नमस्कार ..
मैं - किलै रे च्याला .. तुम तो जीतणछा .. फिर ले त्यार मूख में चूख जस किलै ढोई रौ .. खूब रन मारनौ राहुल ..
खिसक पन्त - तैक गति लाग जान तौ रन .. रनकारैलि मेर पेट में लात मारि हालि ..
मैं - हाय .. तैक रन मारण में तेर पेट में कसिक लात पडी रे ... तौ तो तेरे टीम में छ ..
खिसक पन्त - काकज्यू बकबास नि करो हो .. मेर उसि कै बरमान पीड हैरे .. चलो रन आफि मारन .. बिकेटकीपिग ले करण बैठ गो .. आब कौल मी कप्तानी ले करूं ... भोल पोरू कौल मी जागर ले लगूं ... डंगरि बण बेर नाचण ले बैठल .. सब्बै काम तछैणी करो बल .. अरे हम ले खेलणा लिजी ऐ रयां ..
मैॆ - यार चेला कि करीं पें .. ऐल तेर टैम खराब ऐरौ ... अगर त्यार ख्वार में बौल नि लागनी तो तसै नि हुन ..
खिसक पन्त - काका .. मन करनौ वी बौलेलि तैक ले बरमान फोड दयूं ... कदिनै मौक मिललौ नैट प्रैक्टिस में बौलैलि तैक खुटन में हांणि दयूल और नडक्याठ ले गणु ले एक्कै दगाड टोडि दयूल .. फिर करल बिकेटकीपिग ले बैटिग ले ...
काकज्यू .. तकैं आँस लागाल म्यार ... कदिनै पहाड जूल तो तैक लिजी दयाप्त घात दयूल ... फिर ठीक्क मैच क टैम पर जांण पडौल कुकुरिच्याल कैं पुज करण .
मैं - यार तसके रोस नि करन पोथी ... द्याप्त कूण पर याद उणौ .. खेलन तो तू ले ठीक ठाक छै .. फिर ऐन टैम में भंचक किलै लाग जाणौ .. कति अच्छयत देखूनै धें .. क्यै हैरीन तास छम बिछम ... एक छक्क मारि बाद तू मुनि जस जांछै ...
खिसक पन्त - अरे काकज्यू .. उचैण उचैण कैबेर ईजैलि एक बोरी चावलनैकि पुन्तर बणै हालन .. दयाप्तनाक नाम पर ढूंग पाथर गंगल्वाड ले पुजि हालन .. पहाड पन क क्वे गध्यार यास नहातिन जां हमलि बाकर और कुकड नै मारि हाल .. चौबट्टी में किलूणि ले करि हालि ... पर बीसै उनीस नै हुणय ...
मैं - पैं कति ज्योतिष ....
खिसक पन्त - अरे काका .. एक जाग पातड देखा .. उ कुणौछी राहु दशा चलि रै कैबेर ... देखो धें .. म्यार पछिल तौ के एल राहुल .. राहु जसै पडि रौ ... जसिके मोदी क पछिल राहुलगांधी लागि रौ तसिके म्यार पछिल तौ के एल राहुल लागि रौ
मैं - यार मोदी पछिल कां लागि रौ राहुल गांधी .. उ बिचार तो आफि बरबाद हैगो पर मोदी पर आंच नै उण देय .. जब तक उ छी मोदी सब जाग जीत जांछी .. जब बटी वीलि कुरसी छोडी मोदी राज्यन में हारण बैठ गो .. भाजपा वाल तो कूणई राहुल कैं दोबारा अघ्यक्ष बणाओ बल ..
खिसक पन्त - छोडो काका तौ राजनीति .. के मेर बार में सोचो .
मैं - यार तदुक परेशान ले किलै हैरौछै ... टीम में तो छनै छै तू ... फिर आई पी एल ले खेललै .. घूम फिर ऐश कर ..
खिसक पन्त - कि ऐश करूं काका .. बडि बेज्जती हुण बैठ गे .. ट्वैल्थ मैन बणै राखौ. टीम क जो खिलाडि पैलि .. पन्त ज्यू .. पौंणज्यू .. खिसक गुरू कूंछी .. उ आब कूनन --- जा रे लिन बामण मैदान में पाणि लिबेर जा ... कल्ज काटन है जां .. ़काका .... अगर यसै हाल रौला तो मेके लागणौ गंगोलीहाट जैबेर बाकार चरूण पडि जाल ... मी सोचणयूं .. घर में जो बांजि कुडि छ उमें टिनशेड डालिबेर सुदारि दयूं .. मणी मूख लुकूण बाट है जाल ..
मैं - च्याला ... यो सब चीजा क लिजि तू ले जिम्मेदार छै ... तदुक अलबलाट क्यै करछै .. और एक किस्स छ जामनै बटी कामन ... उ नेग्याणि दगाड कि चलि रौ त्यार रनकारा ... ख्वारा क बाव भलिके नि जामि भाय दाढि खरोडनकै शौक हई भै त्वे ... पैलि खेल में मन लगूनै ... रनकारा बिरादरी में नाक कटै हाली त्वीलि हमरि .. मैसनैलि हमन कें पुज पाठ में बुलूण ले छाडि हालौ ... पुखरिक ज्वेशि राठनैलि हमर हात क भात खांण छाडि हालौ . मैंस जब कूनी पन्तैलि यस करि हालौ .. पन्त आउट हैगो .. पन्त क बसक के नहां ... मुनई चौड हैजां ... ईलू ईलू करणकि तदुक कि हई भै ...
खिसक पन्त - काकज्यू तुमार समझ में नि आ .. यो दिल क मामुल छ ...
खैर छोडो काकज्यू ... मी ऐल हिटू ... पाणि लिबेर जां मैदान में ... नन्तरि बिराट किकाट करौल ... अच्छा काकज्यू ... नमस्कार .....
मैं - जी रये पोथा ... पिच में थानबासि रये ..
मीलि नजदीक जैबेर कौय - कौ रे खिसक ... क्यै करनौछै बदबौयेट .. तुमरि टीम तो जीतणै ..
खिसक पन्त - ( बिना पछिल कै चाइयै ) कौ छै रे ..
मैं - क्यै रे पगली गोछै रनकारा .. मी छ्यू .. विनोद पन्त .. नै पछयाणनये .
खिसक पन्त - अरे .. काकज्यू नमस्कार ..
मैं - किलै रे च्याला .. तुम तो जीतणछा .. फिर ले त्यार मूख में चूख जस किलै ढोई रौ .. खूब रन मारनौ राहुल ..
खिसक पन्त - तैक गति लाग जान तौ रन .. रनकारैलि मेर पेट में लात मारि हालि ..
मैं - हाय .. तैक रन मारण में तेर पेट में कसिक लात पडी रे ... तौ तो तेरे टीम में छ ..
खिसक पन्त - काकज्यू बकबास नि करो हो .. मेर उसि कै बरमान पीड हैरे .. चलो रन आफि मारन .. बिकेटकीपिग ले करण बैठ गो .. आब कौल मी कप्तानी ले करूं ... भोल पोरू कौल मी जागर ले लगूं ... डंगरि बण बेर नाचण ले बैठल .. सब्बै काम तछैणी करो बल .. अरे हम ले खेलणा लिजी ऐ रयां ..
मैॆ - यार चेला कि करीं पें .. ऐल तेर टैम खराब ऐरौ ... अगर त्यार ख्वार में बौल नि लागनी तो तसै नि हुन ..
खिसक पन्त - काका .. मन करनौ वी बौलेलि तैक ले बरमान फोड दयूं ... कदिनै मौक मिललौ नैट प्रैक्टिस में बौलैलि तैक खुटन में हांणि दयूल और नडक्याठ ले गणु ले एक्कै दगाड टोडि दयूल .. फिर करल बिकेटकीपिग ले बैटिग ले ...
काकज्यू .. तकैं आँस लागाल म्यार ... कदिनै पहाड जूल तो तैक लिजी दयाप्त घात दयूल ... फिर ठीक्क मैच क टैम पर जांण पडौल कुकुरिच्याल कैं पुज करण .
मैं - यार तसके रोस नि करन पोथी ... द्याप्त कूण पर याद उणौ .. खेलन तो तू ले ठीक ठाक छै .. फिर ऐन टैम में भंचक किलै लाग जाणौ .. कति अच्छयत देखूनै धें .. क्यै हैरीन तास छम बिछम ... एक छक्क मारि बाद तू मुनि जस जांछै ...
खिसक पन्त - अरे काकज्यू .. उचैण उचैण कैबेर ईजैलि एक बोरी चावलनैकि पुन्तर बणै हालन .. दयाप्तनाक नाम पर ढूंग पाथर गंगल्वाड ले पुजि हालन .. पहाड पन क क्वे गध्यार यास नहातिन जां हमलि बाकर और कुकड नै मारि हाल .. चौबट्टी में किलूणि ले करि हालि ... पर बीसै उनीस नै हुणय ...
मैं - पैं कति ज्योतिष ....
खिसक पन्त - अरे काका .. एक जाग पातड देखा .. उ कुणौछी राहु दशा चलि रै कैबेर ... देखो धें .. म्यार पछिल तौ के एल राहुल .. राहु जसै पडि रौ ... जसिके मोदी क पछिल राहुलगांधी लागि रौ तसिके म्यार पछिल तौ के एल राहुल लागि रौ
मैं - यार मोदी पछिल कां लागि रौ राहुल गांधी .. उ बिचार तो आफि बरबाद हैगो पर मोदी पर आंच नै उण देय .. जब तक उ छी मोदी सब जाग जीत जांछी .. जब बटी वीलि कुरसी छोडी मोदी राज्यन में हारण बैठ गो .. भाजपा वाल तो कूणई राहुल कैं दोबारा अघ्यक्ष बणाओ बल ..
खिसक पन्त - छोडो काका तौ राजनीति .. के मेर बार में सोचो .
मैं - यार तदुक परेशान ले किलै हैरौछै ... टीम में तो छनै छै तू ... फिर आई पी एल ले खेललै .. घूम फिर ऐश कर ..
खिसक पन्त - कि ऐश करूं काका .. बडि बेज्जती हुण बैठ गे .. ट्वैल्थ मैन बणै राखौ. टीम क जो खिलाडि पैलि .. पन्त ज्यू .. पौंणज्यू .. खिसक गुरू कूंछी .. उ आब कूनन --- जा रे लिन बामण मैदान में पाणि लिबेर जा ... कल्ज काटन है जां .. ़काका .... अगर यसै हाल रौला तो मेके लागणौ गंगोलीहाट जैबेर बाकार चरूण पडि जाल ... मी सोचणयूं .. घर में जो बांजि कुडि छ उमें टिनशेड डालिबेर सुदारि दयूं .. मणी मूख लुकूण बाट है जाल ..
मैं - च्याला ... यो सब चीजा क लिजि तू ले जिम्मेदार छै ... तदुक अलबलाट क्यै करछै .. और एक किस्स छ जामनै बटी कामन ... उ नेग्याणि दगाड कि चलि रौ त्यार रनकारा ... ख्वारा क बाव भलिके नि जामि भाय दाढि खरोडनकै शौक हई भै त्वे ... पैलि खेल में मन लगूनै ... रनकारा बिरादरी में नाक कटै हाली त्वीलि हमरि .. मैसनैलि हमन कें पुज पाठ में बुलूण ले छाडि हालौ ... पुखरिक ज्वेशि राठनैलि हमर हात क भात खांण छाडि हालौ . मैंस जब कूनी पन्तैलि यस करि हालौ .. पन्त आउट हैगो .. पन्त क बसक के नहां ... मुनई चौड हैजां ... ईलू ईलू करणकि तदुक कि हई भै ...
खिसक पन्त - काकज्यू तुमार समझ में नि आ .. यो दिल क मामुल छ ...
खैर छोडो काकज्यू ... मी ऐल हिटू ... पाणि लिबेर जां मैदान में ... नन्तरि बिराट किकाट करौल ... अच्छा काकज्यू ... नमस्कार .....
मैं - जी रये पोथा ... पिच में थानबासि रये ..
Comments
Post a Comment