लाहौर यात्रा भाग १

लाहौर यात्रा ............भाग - 1
मोदी ज्यू काबुल बटी गाङी मेँ बैठ । काबुल वालनैलि
नाश्ता मेँ गडेरिक स्याव उबालि बेर लासणक लूण
दगाङ खिलाइ भै बल रत्ते ब्याण । जाण बखत बाटपन
भूख लागैलि कै द्वि माण काजू क गुद ले धरि भै एक
रुमालाक गांठ मेँ । मोदी ज्यू लि काजू क गुद बाटै खै
हाल । आब गाङी पाकिस्तान पुजि तो पेट मेँ
गुङमुङाट जस हुण बैठ । मोदी ज्यूलि ड्राइबर छैँ कौय
कि यार कति ढाबा ले गाङि रोकि दिये । तुम लोग
चाहा पाणि पि लिया और मी जरा लोटी लिबेर
कति झुताणि जस देखबेर हल्क ले है जूल ।
आब गाङि जसै लाहोर मेँ पुजि तो गाङी एक
अनुबन्धित ढाबा लै रुकि गे । भ्यैर आवाज लागण भैगे -
उत्तराखंड खटारा ट्रासंपोर्ट के अनुबन्धित जावेद
ढाबा मेँ आपका स्वागत है । जिन यात्रियोँ को आल
चाण रैत पकोङी खाना हो नीचे आ जायेँ । गाङी
आधा घन्टा रुकेगी ।
मोदी ज्यू एक टीन क डाब पकङिबेर कान मेँ जन्यो
हालबेर झुताणि बैठ ग्याय । थोङी देर मेँ झुताणि
बटी ठूं ठुस्स जस आवाज उण भैगे ।
बाकि यात्री आल चाण खाण लागि ग्याय ।
आब मोदी ज्यू जरा हल्क है गे । उनैलि ले एक चाहा
और बन्द खाय । तब तक सामैणि बटी नवाज ऐ गोय ।
नवाज मोदी ज्यू नमस्कार पुरस्कार भै ।
नवाज - अरे मोद्दा आज बाट कसिके भबरि गेया ?
मोद्दा - अरे यार काबुल मेँ एक घरपैँस ( ग् ह प्रवेश )
करण जै रैछ्यू । वापसी मेँ जरा पेट मेँ .. म्योर मतलब
तेरि याद ऐ तो गाङी रोके बेर त्वेकैणी चाण लागि
रौ छी ।
नवाज - पैँ फोन करि दिना । आब ऐ गेछा तो घर
हिटो । मेरी इज दगै ले भेट करि आला । जब बटी
तुमैलि शाँल भेजौ हर बखत मोद्दी मोद्दी करैँ । आब
बुङियै भै । कदिनै मर जालि फिर तुमार कल्ज मेँ ले
काटन रौल भेट नै भै कैबेर । और मेरि नातिणी ब्या ले
छ ।
मोदी - कस मैस भये यार तु त्वील न्यूत पौत ले नै कर ।
मी के दैज वैज नै लायू ।
नवाज - के बात नि भै हो । तुम लिफाप दि दिया ।
घरैकि बात भै ।
आब मोदी ज्यू और नवाज घर जाणैतेँ रिक्श मेँ बैठ गे ।
मोदी ज्यू लि रिक्श वाल छैँ कोय कति क्यालनैकि
ठेली लै रोकि दिये यार एक दर्जन क्याव लिण छन ।..
अगले अंक में जारी