रोड शो
राहुल ज्यू रोड शो के लिये आये ठहरे हरिद्वार . अचानक मिल गये . मैने कहा नमस्कार दाज्यू .. आओ घर चलो . चाहा पाणि पीकर आओगे .थक गे हुन्याला रोड शो करिबेर ...
राहुल ज्यू घर आय . भीतर बैठ .. मैलि नानतिनन छै कोय - देखो रे दिल्ली वाल ताऊजी ऐ रयी .. नानतिननैलि नमस्कार कै . तो राहुल ज्यू जेबन हाथ डालण बैठ .
मैल को - क्वे बात नै राहुल दा .. रूण दिओ . नानतिनन ले पत्तै भै तुमैरि जेब फाटि छ कैबेर .
राहुल ज्यु क मूख अड़कसै हैगे . दगाड़ आई सिक्योरिटी वाल छैं कोय . यार गली भ्यैर बटी द्वि पैकेट कुरकुरे लै दे नानतिनैतें .
मैल पुछ - यार राहुल दा . कां बटी शुरू करौ आजक प्रचार ?
राहुल - यार तुम राहुल दा किलै कूण रौछा .. हम तो स्वानिकैं हुनेला .. एकाद सालक हेर फेर हन्योल .
मैल को - नै हो रिश्त ठुल हुनेर भै . तुम पांचेक साल ज्याठ होला मेर हैबेर . भले ही म्योर च्योल ऐल दस में पुजि गो . पर उमर तो तुमैरि ज्यादा भै . आब तुमैलि टैम पर ब्या नि कर तो मेरि कि गलती . ब्या नि हैरय कै तुम मेर हैबेर कांस् जि है जाला .
राहुल - खैर छोड़ . और कि हैरीन हाल चाल ?
मैल को - म्यार हाल कि हुनी . तुम सुणाओ .. एक बात और तुमैलि ब्या किलै नि कर आजि तक ..
राहुल ( रिसै बेर ) - तुमार मोदी लि ब्या करिबेर कौन सा उत्थाल काटि राखी .. स्यैणी क्वाड़ि राखी .. बात करनौछा .
मैल कौ - घरवाई तो सिद्धार्थैलि ले छोड़ी . बड़ बड़ महापुरुषनैलि ले छोड़ी बल .
राहुल - पैं तौ घरवाई छोड़िबेर सिद्धार्थैकि चारि जंगल बाट किलै नि लाग ? दिल्ली ऐबेर बैठ गो . म्यर हक्क मारि राखौ . ऐल नतरि तैक जाग पर मी प्रधानमन्त्री हुन्यू . ब्या ह्या ले है जान ..
मैलि कौ - ब्या तो तुमर ऐल ले है जाल .
राहुल - होय है तो जाल . पर मैं सोचण लागि रयू .प्रधानमन्त्री बण जान्यू तो मणी ज्यादा भैलि ब्योलि मिल जानि . ऐल जां ले जाओ चेलिनाक बाब् ज्यादा ही सवाल जुबाब करनी .
मैल को - हाय .. कसि बात करनौछा . सांसद तो तुम भया ही .
राहुल - यार तुमार हरिद्वार में नहातिनै क्वे चेलि ?
म्यार मुख बटी निकल पड़ौ - ना हो यां कां छन चेलि .. यांक चेलि तो भौते होशियार भै .
( राहुल ज्यूक मूख तमतमै गे )
मैल बात बदलि - और सुणाओ पैं . उत्तराखंड में कस रिस्पौंस मिलण लागि रौ ?
राहुल - रिस्पौन्स तो बढिया छ पर कि करछा कुछ लोग ऐन टैम पर ध्वाक दि गेयी .
मैल को - नरैण त्याड़ि ज्यू ले नाराज छन बल . आशीर्वाद अमित सौ ज्यू राठन दि आई बल .
राहुल - आब कि कौनू यार बुड़ आदिम भै .
मैल कौ - किलै नाराज भई नरैण दत्त ज्यू ..?
राहुल - पत्त नै यार के अन्ताजै जस नि ऐ . मेछै कूण लागि रौछी कि म्यार च्याल रोहित कैं एक टिकट दिओ कैबेर . मैल डांकखाण बटी एक टिकट खरीद बेर भेज हाल छी उनैरि पास . पत्त नैं फिर ले किलै बिगड़ी ?
( तदुक सुणते ही मेरि चेलिक हंसींक खितुक पड़ि गे . मैलि चेलि कैं नड़कै दी . मैल को जा भीतर जैबेर पढाई कर . ओच्छ्याट करण लागि रै . चेलि हंसन हंसन भीतर भाजि गे . भीतर बटी च्यालौक ले हंसणैकि आवाज उण लागि भै )
मैलि विषय बदलबेर बात शुरू करि - तुम तो फाटी कुर्त लिबेर किलै घुमण लागि रौछा ?
राहुल - यार तपार यसै काम चलूनू फिर ब्या दिन बणुल एकै दगाड़ नई कपड़ .
मैलि कौ - एकाद सूट मोदी ज्यू छैं कूना दिओ कैबेर .. नीलामी करते रूनी बल उ टैम टैम पर .
राहुल - यार उ साइज में गड़बड़ हैजां .. लम्बाई वगैरह तो है जानी पर छाति में फिटिंग नै उनी .. त्वील नै सुणी .. छप्पन ईंचैकि छाति छ बल .
मैलि को - चाहा ले पीते रओ पैं .. ठन्ड है जालि .
( राहुल ज्यू चाहा सुड़कूण पैठ गे .तब तक म्योर च्योल कूण लाग - राहुल ताउजी आपुण ब्या में न्यूत करला नै ? )
मैलि च्याल कैं मैक्यै दी - त्वेकै कब अकल आली रे . जब द्वि समझदार आदिम बात करण लागि रूनी तो बीच में नि बुलान . देखण नि लागि रये . राहुल दा दगाड़ म्यार चाय पर चर्चा चलि रै .
( बस तदुक सुणते ही राहुल ज्यू बौई गे .. तु बड़ बेकार आदिम छै यार .. तौ चाय पर चर्चा तु मोदी दगाड़ करिये .. म्यार सामणी तास टाइपाक शब्द नि लाये खबरदार . कबै कबै मेके शक हूं तु ले वीकै तरफ छै .
आपुण सिक्योरिटी वालन उज्याण चैबेर - हिटो रे यां बटी .. खाली पनलै म्योर टैम खराब करण लागि रौ यो बामण .. राहुल दा राहुल दा कैबेर मेरि ख्वारपीड़ करि हालि
राहुल ज्यू घर आय . भीतर बैठ .. मैलि नानतिनन छै कोय - देखो रे दिल्ली वाल ताऊजी ऐ रयी .. नानतिननैलि नमस्कार कै . तो राहुल ज्यू जेबन हाथ डालण बैठ .
मैल को - क्वे बात नै राहुल दा .. रूण दिओ . नानतिनन ले पत्तै भै तुमैरि जेब फाटि छ कैबेर .
राहुल ज्यु क मूख अड़कसै हैगे . दगाड़ आई सिक्योरिटी वाल छैं कोय . यार गली भ्यैर बटी द्वि पैकेट कुरकुरे लै दे नानतिनैतें .
मैल पुछ - यार राहुल दा . कां बटी शुरू करौ आजक प्रचार ?
राहुल - यार तुम राहुल दा किलै कूण रौछा .. हम तो स्वानिकैं हुनेला .. एकाद सालक हेर फेर हन्योल .
मैल को - नै हो रिश्त ठुल हुनेर भै . तुम पांचेक साल ज्याठ होला मेर हैबेर . भले ही म्योर च्योल ऐल दस में पुजि गो . पर उमर तो तुमैरि ज्यादा भै . आब तुमैलि टैम पर ब्या नि कर तो मेरि कि गलती . ब्या नि हैरय कै तुम मेर हैबेर कांस् जि है जाला .
राहुल - खैर छोड़ . और कि हैरीन हाल चाल ?
मैल को - म्यार हाल कि हुनी . तुम सुणाओ .. एक बात और तुमैलि ब्या किलै नि कर आजि तक ..
राहुल ( रिसै बेर ) - तुमार मोदी लि ब्या करिबेर कौन सा उत्थाल काटि राखी .. स्यैणी क्वाड़ि राखी .. बात करनौछा .
मैल कौ - घरवाई तो सिद्धार्थैलि ले छोड़ी . बड़ बड़ महापुरुषनैलि ले छोड़ी बल .
राहुल - पैं तौ घरवाई छोड़िबेर सिद्धार्थैकि चारि जंगल बाट किलै नि लाग ? दिल्ली ऐबेर बैठ गो . म्यर हक्क मारि राखौ . ऐल नतरि तैक जाग पर मी प्रधानमन्त्री हुन्यू . ब्या ह्या ले है जान ..
मैलि कौ - ब्या तो तुमर ऐल ले है जाल .
राहुल - होय है तो जाल . पर मैं सोचण लागि रयू .प्रधानमन्त्री बण जान्यू तो मणी ज्यादा भैलि ब्योलि मिल जानि . ऐल जां ले जाओ चेलिनाक बाब् ज्यादा ही सवाल जुबाब करनी .
मैल को - हाय .. कसि बात करनौछा . सांसद तो तुम भया ही .
राहुल - यार तुमार हरिद्वार में नहातिनै क्वे चेलि ?
म्यार मुख बटी निकल पड़ौ - ना हो यां कां छन चेलि .. यांक चेलि तो भौते होशियार भै .
( राहुल ज्यूक मूख तमतमै गे )
मैल बात बदलि - और सुणाओ पैं . उत्तराखंड में कस रिस्पौंस मिलण लागि रौ ?
राहुल - रिस्पौन्स तो बढिया छ पर कि करछा कुछ लोग ऐन टैम पर ध्वाक दि गेयी .
मैल को - नरैण त्याड़ि ज्यू ले नाराज छन बल . आशीर्वाद अमित सौ ज्यू राठन दि आई बल .
राहुल - आब कि कौनू यार बुड़ आदिम भै .
मैल कौ - किलै नाराज भई नरैण दत्त ज्यू ..?
राहुल - पत्त नै यार के अन्ताजै जस नि ऐ . मेछै कूण लागि रौछी कि म्यार च्याल रोहित कैं एक टिकट दिओ कैबेर . मैल डांकखाण बटी एक टिकट खरीद बेर भेज हाल छी उनैरि पास . पत्त नैं फिर ले किलै बिगड़ी ?
( तदुक सुणते ही मेरि चेलिक हंसींक खितुक पड़ि गे . मैलि चेलि कैं नड़कै दी . मैल को जा भीतर जैबेर पढाई कर . ओच्छ्याट करण लागि रै . चेलि हंसन हंसन भीतर भाजि गे . भीतर बटी च्यालौक ले हंसणैकि आवाज उण लागि भै )
मैलि विषय बदलबेर बात शुरू करि - तुम तो फाटी कुर्त लिबेर किलै घुमण लागि रौछा ?
राहुल - यार तपार यसै काम चलूनू फिर ब्या दिन बणुल एकै दगाड़ नई कपड़ .
मैलि कौ - एकाद सूट मोदी ज्यू छैं कूना दिओ कैबेर .. नीलामी करते रूनी बल उ टैम टैम पर .
राहुल - यार उ साइज में गड़बड़ हैजां .. लम्बाई वगैरह तो है जानी पर छाति में फिटिंग नै उनी .. त्वील नै सुणी .. छप्पन ईंचैकि छाति छ बल .
मैलि को - चाहा ले पीते रओ पैं .. ठन्ड है जालि .
( राहुल ज्यू चाहा सुड़कूण पैठ गे .तब तक म्योर च्योल कूण लाग - राहुल ताउजी आपुण ब्या में न्यूत करला नै ? )
मैलि च्याल कैं मैक्यै दी - त्वेकै कब अकल आली रे . जब द्वि समझदार आदिम बात करण लागि रूनी तो बीच में नि बुलान . देखण नि लागि रये . राहुल दा दगाड़ म्यार चाय पर चर्चा चलि रै .
( बस तदुक सुणते ही राहुल ज्यू बौई गे .. तु बड़ बेकार आदिम छै यार .. तौ चाय पर चर्चा तु मोदी दगाड़ करिये .. म्यार सामणी तास टाइपाक शब्द नि लाये खबरदार . कबै कबै मेके शक हूं तु ले वीकै तरफ छै .
आपुण सिक्योरिटी वालन उज्याण चैबेर - हिटो रे यां बटी .. खाली पनलै म्योर टैम खराब करण लागि रौ यो बामण .. राहुल दा राहुल दा कैबेर मेरि ख्वारपीड़ करि हालि
Comments
Post a Comment